AMRAM

[Katawhang Hataas (Binayaw)].

1. Usa ka apong lalaki ni Levi pinaagi kang Kohat. (Ex 6:​16, 18, 20; Num 3:19; 26:58; 1Cr 6:18) Giingon nga siya naminyo sa “igsoong babaye sa iyang amahan” nga si Jokebed, usa ka buhat nga gitugot pa niadtong panahona apan gidili na sa ulahi sa Moisesnong Balaod. (Lev 18:12) Apan, ang ubang mga hubad misulay sa pagpaila kaniya ingong iyang ig-agaw. (Tan-awa ang JOKEBED.) Ang iyang mga anak mao si Aaron, Miriam, ug Moises.​—Ex 6:20; Num 26:59; 1Cr 6:​2, 3; 23:​12, 13.

2. Usa sa “mga anak ni Bani” kinsa, duyog sa ubang namalik nga mga destiyero, misanong sa awhag sa pagpapahawa sa langyawng mga asawa niadtong 468 W.K.P.​—Esd 10:​34, 44.

3. Ngalan nga gihatag ngadto sa usa ka Seiranhon, usa ka anak nga lalaki ni Dison, diha sa hubad sa King James Version sa 1 Cronicas 1:41.​—Tan-awa ang HEMDAN.