BARABAS

[Anak sa Amahan; lagmit, Anak sa Magtutudlo].

Ang binilanggong kriminal nga sad-an sa pagpanulis, pag-alsa sa pamunoan, ug pagbuno kinsa gibuhian ni Pilato puli kang Jesus. Gibuhat kini ni Pilato kay siya “nagtinguha sa pagpahimuot sa panon sa katawhan” nga naninggit aron buhian si Barabas tungod sa pag-insistir sa pangulong mga saserdote ug mga ansiyano.​—Mat 27:15-26; Mar 15:6-15; Luc 23:16-25; Ju 18:​39, 40; Buh 3:14.

Kining talagsaong batasan sa pagbuhi ug binilanggo panahon sa Paskuwa matag tuig walay basehanan o sumbanan diha sa Hebreohanong Kasulatan, ug walay sekular nga ebidensiya nga kini usa ka batasan sa mga Romano. Tin-aw nga kini naggikan sa mga Hudiyo, kay si Pilato nag-ingon ngadto sa mga Hudiyo: “Aduna kamoy batasan nga panahon sa paskuwa pagabuhian ko ang usa ka tawo alang kaninyo.”​—Ju 18:39.