BET-GAMUL

[Balay sa Usa nga Gilutas (o, Usa nga Nakadawat ug Nahiangayng Pagtagad)].

Usa ka siyudad nga gihisgotan labot sa mga pahayag ni Jehova batok sa Moab. Kini gitala kauban sa Dibon ug sa ubang mga siyudad sa “yuta diha sa kapatagan” sa Moab. (Jer 48:​21, 23) Gituohan sa kadaghanan nga kini mao ang Jumaiyil, diha sa rehiyon sa patag sa bukid sa Moab nga mga 13 km (8 mi) sa S sa Dibon (Dhiban). May mga ebidensiyang makita niini nga rehiyon, nga nahimutang dapit sa A lamang sa Arnon, nga kini natikad pag-ayo sa karaang kapanahonan.