DIYOS ANG DIYOS SA ISRAEL

Ang gingalan ni Jacob sa unang halaran nga iyang gitukod human siya mopauli gikan sa Haran.

Ingong resulta sa iyang pagpakigharong sa manulonda ni Jehova didto sa Peniel, si Jacob gihatagan sa ngalang Israel, ug human sa malinawong pagpakigkita sa iyang igsoon nga si Esau, siya mipuyo sa Sucot ug dayon sa Sekem. Dinhi gipalit niya ang usa ka luna sa yuta gikan sa mga anak ni Hamor ug gipatindog ang iyang tolda diha niini. (Gen 32:24-30; 33:1-4, 17-19) “Human niana siya nagpatindog didto ug usa ka halaran ug nagtawag niini nga Diyos ang Diyos sa Israel,” o “Ang Diyos Mao ang Diyos sa Israel.” (Gen 33:20) Sa pagpaila sa iyang kaugalingon sa iyang bag-ong ngalan nga Israel diha sa ngalan sa halaran, gipakita ni Jacob ang iyang pagdawat ug pagpabili sa maong ngalan ug sa luwas nga pagdala sa Diyos kaniya balik sa Yutang Saad. Ang maong ekspresyon kas-a lamang makita sa Kasulatan.