GOIIM

[Kanasoran].

1. Ang gingharian ni Haring Tidal, usa ka kaalyado sa Elamihanong hari nga si Kedorlaomer. (Gen 14:1-9) Bisan tuod daghang sugyot ang gihatag, dili mapamatud-an ang tinong nahimutangan niini. Tungod sa kahulogan sa termino ug sa hubad niini diha sa ubang mga teksto (Huk 4:2; Isa 9:1) ingong usa ka common noun (“kanasoran”) inay nga usa ka personal nga ngalan, ang pipila nagsugyot nga ang Goiim maoy usa ka hugpong sa mga tribo nga lainlain ang nasodnong mga kagikan.​—Tan-awa ang TIDAL.

2. Ang dominyo sa usa ka Canaanhong hari sa K sa Jordan nga gipildi ni Josue. Siya gihisgotan ingong “ang hari sa Goiim sa Gilgal.” (Jos 12:​7, 23) Walay nahibaloan bahin niini nga Goiim gawas lamang nga ang Gilgal, lagmit ang kaulohan o sentro niini, dili mao ang iladong gikampohan sa mga Israelinhon nga samag ngalan niini duol sa Jordan.