ROS

1. Usa ka anak nga lalaki ni Benjamin nga gitala nga lakip niadtong miadto sa Ehipto niadtong 1728 W.K.P. uban sa panimalay ni Jacob o kinsa natawo wala madugay human niana. (Gen 46:​21, 26; tan-awa ang BENJAMIN Num. 1.) Tungod kay wala ilakip ang iyang ngalan gikan sa ulahing mga talaan sa mga banay ni Benjamin, kini lagmit nagpaila nga siya namatay nga walay anak o nga ang iyang mga anak nga lalaki gitipon sa laing banay sa tribo.

2. Usa ka ngalan nga makaplagan sa pipila ka hubad diha sa Ezequiel 38:2 ug 39:1 (AS, JB, Le, LXX, Mo, Yg, Ro), nga gituohan sa pipila ka eskolar nga nagtumong sa usa ka katawhan sa amihanan nga gitawag ug Rus (Ruso), nga giingong nanimuyo daplin sa Suba sa Volga. Apan, tungod sa kahulogan sa termino ug sa pagpadapat niini kang Gog, kini tukmang gihubad ingong bahin sa usa ka titulo inay nga ngalan sa usa ka katawhan o sa usa ka dapit: nga mao, “pangulong hepe” (NW); “pangulong prinsipe” (KJ, Dy, Fn, JP, RS); “dakong prinsipe” (AT); “prinsipe sa pangulo” (Vg); “lider ug pangulo” (Sy); “dakong pangulo” (Mga Targum).