TOLDA NGA TAGBOANAN

Usa ka ekspresyon nga gigamit sa pagtumong sa tolda ni Moises (Ex 33:7) ug sa sagradong tabernakulo nga gitukod didto sa kamingawan. (Ex 39:​32, 40; 40:​2, 6, 7, 22, 24, 26, 29, 30, 32, 34, 35) Sulod sa usa ka panahon hangtod sa pagkatukod sa tabernakulo, ang tolda ni Moises gigamit ingong usa ka temporaryong sangtuwaryo. Kini tungod kay ang panganod, nga naghawas sa presensiya ni Jehova, mopondo ‘diha sa’ (lagmit, sa atubangan sa) ganghaan niini nga tolda sa dihang si Moises mosulod niini, ug didto si Jehova nakigsulti kang Moises. Dayag nga kini gitawag ug “tolda nga tagboanan” tungod kay ang katawhan kinahanglang moadto didto aron magpakisayod kang Jehova, busa ikaingon nga sila nakigtagbo kang Jehova didto. (Ex 33:7-11) Mopatim-awng mao usab kini ang katarongan nga ang sagradong tabernakulo gitawag nga “tolda nga tagboanan.”​—Tan-awa ang TABERNAKULO.