Espesyal nga Pakigpulong Publiko

Tinuod nga Kalinaw ug Kasegurohan—Kanus-a?

Sa linibo na ka katuigan, ang mga tawo nagtinguhag kalinaw ug kasegurohan. Apan wala gayod maangkon sa tawo ang tinuod nga kalinaw. Ngano? Ang Bibliya naghatag ug duha ka pangunang hinungdan kon nganong lisod makab-ot ang kalinaw. Kini naghisgot usab niining makapalig-on nga pasalig: Ang Diyos nagsaad ug tinuod ug dumalayon nga kalinaw ug kasegurohan alang sa mga tawo sa tibuok kalibotan.

Kanus-a ug sa unsang paagi maangkon ang kalinaw ug kasegurohan? Unsay kinahanglan nimong himoon aron imong matagamtam kining nindot nga kahimtang? Kini nga mga pangutana tubagon sa pakigpulong publiko nga “Tinuod nga Kalinaw ug Kasegurohan—Kanus-a?” Kining binase sa Bibliya nga pakigpulong ipahayag sa tibuok kalibotan sa kapin sa 230 ka kayutaan. Sa kadaghanang dapit, kini madungog diha sa Kingdom Hall sa mga Saksi ni Jehova sa Dominggo, Abril 18, 2010. Ang mga Saksi sa inyong lugar malipay sa pagpahibalo kanimo sa oras ug sa adres. Ikaw kinasingkasing namong gidapit sa pagtambong.