Mga Pahibalo

◼ Tanyag nga basahon sa Disyembre: Ang Labing Bantogang Tawo nga Nabuhi Sukad sa ₱60.00. Enero: Pagpangita sa Katawhan sa Diyos sa ₱30.00 o Matuod nga Kalinaw ug Kasegurohan sa ₱20.00. Pebrero: Pinadayag—Hingpit nga Sangkoanan Niini Haduol Na! sa ₱60.00. Marso: Bag-ong publikasyon nga pagaluwatan sa distritong mga kombensiyon. MATIKDI: Ang mga kongregasyong wala pa makapedido sa mga basahong gihisgotan sa itaas kinahanglang maghimo niini sa ilang sunod binulang Literature Order Form (S-AB-14).

◼ Ang nagadumalang magtatan-aw o ang usa nga iyang itudlo kinahanglang mag-awdit sa mga kuwenta sa kongregasyon sa Disyembre 1 o dili madugay human niana kon posible. Ipahibalo sa kongregasyon sa dihang kini nahimo na.

◼ Maoy hinungdanon alang sa tanang magmamantala sa paghimog tinong mga kahikayan sa pagpakig-ambit sa pag-alagad sa kanataran nga sayo sa Disyembre. Kon, tungod sa pagtambong ug usa ka kombensiyon o nagabakasyon, ikaw mahilayo sa imong kongregasyon sa kataposan sa Disyembre, seguroang ihatag sa sekretaryo ang imong taho sa dili pa ikaw molakaw. Pinaagig pagkamatanlagon sa tanan sa pagtunol sa ilang report sa tukmang panahon, atong mabatonan ang kompletong taho sa Disyembre.

◼ Sanglit kay ang distritong kombensiyon niining tuiga maoy tulo ka adlaw, dili kinahanglang kanselahon ang Pagtuon sa Libro sa Kongregasyon sulod sa semana sa kombensiyon.

◼ Mga Amot sa Distritong Kombensiyon: Sanglit wala ing tagana sa pagkaon sa mga kombensiyon, ang tanang galastohan nga mahimo, lakip ang abangan sa mga pasilidad, pagtukod sa plataporma, ug sa itaganang public address systems, pagasuportahan sa bug-os pinaagig boluntaryong mga amot. Kami nasayod nga ang tanang motambong magahupot niini sa hunahuna. Ang mga amot mahimo man pinaagig mga kahon sa amot nga gitagana didto sa mga kombensiyon. (Tan-awang parapo 12 sa suplemento sa Nobyembre, 1995 sa Atong Ministeryo sa Gingharian.)

◼ 1996 Tinuig nga Teksto: Ang tinuig nga teksto alang sa 1996 gikuha gikan sa Santiago 1:22: “Magmahimo kamong magbubuhat sa pulong.” Ang tanang kongregasyon kinahanglang maghikay nag ikataod na kining bag-ong teksto sa ilang mga Kingdom Hall sa Enero 1, 1996.

◼ Pag-uswag sa Kantidad sa Magasin: Tungod sa pagtaas sa bili sa papel ug produksiyon, nahimong kinahanglanon ang pagpauswag sa kantidad sa mga magasin sugod sa mga isyu sa Enero, 1996. Ang mga amot mahimo nang ₱5.00 alang sa mga magmamantala ug sa publiko ug ₱3.50 alang sa mga payunir. Ang mga suskrisyon mahimo nang ₱120.00 ang usa ka tuig ug ₱60.00 ang unom ka bulan. Ang amot sa payunir maoy ₱60.00 alang sa usa ka tuig ug ₱30.00 alang sa unom ka bulan. (Nota alang sa naghupot sa mga magasin: Sanglit ang bag-ong kantidad magsugod sa mga gula sa Enero, seguroang ipahimutang kanang mga gulaa sa bag-ong bayad bisan tuod kana madawat sulod sa Disyembre; kay kon dili ang kuwenta sa kongregasyon maapektohan.)

◼ Bag-ong Dagkog-letrang Bantayanang Torre: Kami malipay sa pagpahibalo kaninyo nga usa ka dagkog-letrang edisyon sa Ang Bantayanang Torre sa Cebuano, Iloko, ug Tagalog pagapatikon sugod sa mga isyu sa Enero 1, 1996. Kini maoy regular magasin-gidak-on nga adunay 32 ka panid apan walay kolor o mga ilustrasyon ug maundan lamang sa tun-anang mga artikulo ug mga pangutana. Ang kantidad maoy sama sa regular nga edisyon. Kini mahimong mapedido sa indibiduwal nga suskrisyon o ingong distributor’s copies nga gipadala pinaagig kongregasyon. Sa pagpedido, gamita ang regular Watchtower subscription slip (M-1) o ang Distributors’ Order nga porma (M-202) ug markahig klaro sa itaas tuong-bahin sa kilid, “LARGE PRINT.” Kami nagalaom nga kining maong tagana makatabang sa mga edaran na ug kanilang dili maayo ang panan-aw.

◼ Greatest Man Album: Sanglit ato mang itanyag ang librong Labing Bantogang Tawo sa Disyembre, maayo nga huptan sa hunahuna nga ang Sosyedad adunay album sa 8 ka cassette niining libroha sa Ingles. Daghang pamilya nakapahimulos sa pagpaminaw niini sa regular ug nakakaplag niining makapalig-on kaayo ug matulon-anon. Gani ang pipila ka ginatun-an sa Bibliya tingali interesado nga makabaton ug usa niini. Ang amot maoy ₱300.00 alang sa mga magmamantala ug sa publiko ug ₱230.00 alang sa mga payunir. Hinuon, kining kantidara mahimong mouswag sugod sa Enero 1, 1996.

◼ Mga Publikasyong Mabatonan Alang sa mga Buta: Ang sanga sa Pilipinas adunay mabatonang lainlaing publikasyon sa Grade 2 English Braille. Kon adunay nailhan ang mga magmamantala nga arang makabasa niining matanga sa Braille, ang sekretaryo sa kongregasyon mahimong mosulat sa Sosyedad alang sa impormasyon kon sa unsang paagi kini mabatonan.