Pagpauswag sa Atong Kahanas sa Ministeryo​—Pagsangyaw Ngadto sa mga Tawong Lahig Pinulongan

Kon Nganong Hinungdanon: Si Jehova interesado sa espirituwalidad sa mga tawo “sa matag nasod.” (Buh. 10:34, 35) Tungod niini, si Jesus nagsugo nga ang maayong balita iwali sa “tibuok gipuy-ang yuta” ug “sa tanang kanasoran.” (Mat. 24:14) Si Zacarias nagtagna nga dunay mga tawong mosanong “gikan sa tanang pinulongan sa mga nasod.” (Zac. 8:23) Sumala sa panan-awon ni apostol Juan, kadtong mga maluwas sa dakong kasakitan maggikan “sa tanang kanasoran ug mga tribo ug katawhan ug mga pinulongan.” (Pin. 7:9, 13, 14) Busa kon dunay mga tawo diha sa atong teritoryo nga lahig pinulongan, kinahanglang maningkamot ta nga sangyawan sila.