Paningkamot nga Matandog ang Kasingkasing

Tabangi ang mamiminaw sa pagsusi sa kaugalingon. Pagsuknag mga pangutana nga makatabang sa mamiminaw nga masusi ang ilang pagbati.

Dasiga sila sa pagbaton ug maayong motibo. Awhaga ang imong mamiminaw nga analisahon kon nganong naghimo silag maayong mga buhat. Tabangi sila nga maugmad ang kinamaayohang mga motibo​—gugma kang Jehova, sa isigkatawo, ug sa mga pagtulon-an sa Bibliya. Tabangi ang imong mamiminaw nga masabtan kon nganong maalamon ang giingon sa Bibliya; ayaw silag lektyuri. Imbes pakaulawan sila, seguroa nga inigkahuman sa imong bahin madasig sila sa paghimo sa ilang kinamaayohan.

Ipokus kang Jehova ang atensiyon. Ipasiugda kon sa unsang paagi ang mga pagtulon-an, prinsipyo, ug sugo sa Bibliya nagpakita sa mga hiyas sa Diyos ug sa iyang gugma kanato. Tabangi ang imong mamiminaw nga maugmad ang tinguha nga ikonsiderar ang pagbati ni Jehova ug pahimut-an siya.