ABDI

[pinamubo sa Abdiel].

1. Usa ka Levihanon sa balay ni Merari. Siya mao ang amahan ni Kisi ug lagmit nga katalirongan ni Saul, kansang paghari nagsugod sa 1117 hangtod sa 1078 W.K.P.​—1Cr 6:​31, 33, 39, 44.

2. Usa usab ka Levihanon sa balay ni Merari. Siya mao ang amahan ni Kis. (2Cr 29:12) Tungod kay magkaamgid ang ngalan sa ilang mga anak nga lalaki, kini nga Abdi ug ang usa nga gihubit sa Num. 1 gihisgotan sa pipila ka diksiyonaryo sa Bibliya ingong mao rang tawhana. Apan, sanglit kining anak sa ikaduhang Abdi nga si Kis nagkinabuhi man sa panahon ni Haring Ezequias nga mga 250 ka tuig human sa panahon ni David, kini nga panghinapos dili makataronganon. Lagmit nga kining ikaduhang Abdi maoy katalirongan ni Haring Jotam ug Ahaz, kansang mga paghari nagkobre sa yugto gikan sa 777 W.K.P. hangtod sa mga 746 W.K.P.

3. Usa ka tawo sa banay ni Elam kinsa nagkinabuhi sa mga panahon human sa pagkadestiyero. (Esd 10:26) Lakip siya niadtong mga Israelinhon nga mikuha ug langyawng mga asawa apan nagpapahawa kanila agig sanong sa awhag ni Esdras human sa iyang pagbalik ngadto sa Jerusalem sa ikapitong tuig ni Haring Artajerjes (Longimanus) (468 W.K.P.).​—Esd 7:8; 10:1-4, 10-12, 26, 44.