AMA

[lagmit, Maniko].

Usa ka bungtod “nga nag-atubang sa Gia paingon sa kamingawan sa Gabaon.” Dinhi si Abner, ang kanhing pangulo sa kasundalohan ni Saul ug niining tungora nakig-away alang sa anak nga lalaki ug manununod ni Saul nga si Is-boset, mihimo sa iyang kataposang pakigharong batok sa migukod nga kasundalohan ni Joab ug Abisai, human nila pildiha si Abner sa gubat didto sa Linaw sa Gabaon. Dinhi niining bungtora nga nakombinsir ni Abner si Joab nga mohunong sa paggukod kaniya, ug nahunong ang gubat. (2Sa 2:12-32) Bisan tuod nga ang Ama lagmit nahimutang sa S sa Gabaon, wala mahibaloi sa tukma kon asang bungtora niini nga rehiyon ang nagbaton niining ngalana.