BET-SITA

[Balay sa [Kahoyng] Akasya].

Usa ka lungsod nga gihisgotan sa paghubit sa giagian sa mga Midianhon sa ilang pagkalagiw human sila mapildi ni Maghuhukom Gideon didto sa Ubos nga Patag sa Jezreel. (Huk 7:22) Sanglit ang mga Midianhon nagpaingon man sa rehiyon sa Jordan, ang Bet-sita lagmit gayod nga nahimutang sa may S o sa HS sa bungtod sa More ug sa atabay ni Harod, diin sa duol niini nahitabo ang panaggubat. (Huk 7:1) Ang Shattah (Bet Ha-Shitta), mga 4.5 km (3 mi) sa SHS sa modernong ʽEn Harod, gituohan sa pipila nga lagmit mao ang nahimutangan niini ug nagbaton sa ngalan nga susama sa orihinal nga ngalan niini. Ang uban naghunahuna nga kini duol ra kaayo sa dapit nga gigubatan ug sila nagsugyot ug usa ka lokasyon nga mas duol sa HS, bisan tuod sila wala magtumbok ug usa ka tinong dapit.