Mga Panaw ni Abraham

MAKAIIKAG kaayo ang kinabuhi ni Abraham alang kanato karong adlawa. Ngano? Tungod kay siya ang giingnan ni Jehova: “Ang tanang banay sa yuta tinong magapanalangin sa ilang kaugalingon pinaagi kanimo.” Hinunoa, aron mapahimuslan ni Abraham kanang maong papel diha sa katuyoan sa Diyos, kinahanglang iyang pamatud-an nga siya usa ka tawo sa pagtuo ug masinugtanon sa Diyos.—Gen 12:1-3; Buh 7:2, 3.

Kini naglakip sa pagbiya sa iyang pinuy-anan ug kaparyentehan sa mauswagong Ur, nga dili na mobalik pa. Nagbaktas ug nagbiyaheng walay modernong transportasyon, siya mipanawg mga 960 km (600 mi) paingon sa Haran. Sa Nisan 14, 1943 W.K.P., siya mitabok sa Suba sa Euprates ug mipaingon sa habagatan. Sa kataposan siya nakaabot sa kinapusoran sa Canaan human sa usa ka panaw nga mikabat ug mga 1,650 km (1,025 mi).

Sa tinudlong panahon ni Jehova, gikan sa mga kaliwat ni Abraham, gipakatawo sa Diyos ang iyang kaugalingong Anak nga si Jesus gikan sa kalangitan. Pinaagi kang Jesus, ang panalangin sa walay-kataposang kinabuhi nahimong posible alang kanato.