HANUN

[Siya Nagpakitag Pabor; Siya Mapuangoron].

1. Anak nga lalaki ug manununod sa trono ni Nahas nga hari sa Ammon. Tungod sa mahigugmaong-kalulot nga gipakita ni Nahas kaniya, si David nagpadalag mga mensahero aron sa paghupay kang Hanun tungod sa pagkamatay sa iyang amahan. Apan si Hanun, kay nakombinsir sa iyang mga prinsipe nga usa lamang kini ka paglingla ni David aron mangespiya sa siyudad, nagpakaulaw sa mga alagad ni David pinaagi sa pagbalbas sa katunga sa ilang mga bungot ug sa pagputol sa ilang mga besti abot sa ilang sampot ug dayon gipapahawa sila. Sa dihang nakita sa mga anak ni Ammon nga sila nahimong baho ngadto kang David tungod sa pagpakaulaw nga ilang gihimo ngadto sa iyang mga mensahero, si Hanun nangandam sa pagpakiggubat ug nagsuhol sa mga Siryanhon aron makiggubat sa Israel. Sa misunod nga mga panaggubat ang mga Ammonhanon ug mga Siryanhon bug-os nga napildi sa Israel; gipailalom ni David sa pinugos nga trabaho ang nakalingkawas nga mga Ammonhanon sa Raba.​—2Sa 10:1–​11:1; 12:26-31; 1Cr 19:1–​20:3.

2. Usa nga, uban sa mga molupyo sa Zanoa, nag-ayo sa Ganghaan sa Walog ug sa usa ka bahin sa paril sa Jerusalem.​—Neh 3:13.

3. Ang “ikaunom nga anak nga lalaki ni Zalap”; siya miapil sa pagpang-ayo sa paril sa Jerusalem.​—Neh 3:30.