IZAR

Duha ka ngalan nga halos parehog espeling sa Hebreohanon, gihubad nga magkapareho diha sa Cebuano.

1. Yits·harʹ. Ang ikaduhang gitala sa upat ka anak nga lalaki ni Kohat; busa apo ni Levi. (Ex 6:​16, 18; Num 3:​17, 19; 1Cr 6:​2, 18) Si Kore nga usa sa tulo ka anak nga lalaki ni Izar gipatay didto sa kamingawan tungod sa pagrebelde.​—Ex 6:21; Num 16:​1, 32.

Si Izar mao ang nagpundar sa Levihanong banay sa mga Izarnon. (Num 3:27) Ilalom ni Haring David, ang pipila sa mga Izarnon, nga ang pangulo mao si Selomit, gitudlo nga mga mag-aawit, opisyal, ug mga maghuhukom, samtang ang uban nagbuhat sa naandang buluhaton sa mga Levihanon.​—1Cr 6:31-38; 23:​12, 18; 24:20-22; 26:​23, 29; tan-awa ang AMINADAB Num. 2.

2. Yits·charʹ (nahiuyon sa Vg). Usa ka kaliwat ni Juda; usa ka anak nga lalaki ni Ashur ug Hela. (1Cr 4:​1, 5, 7) Sa panaplin sa Masoretikong teksto ang ngalan giespeling nga Zohar.