MAON

1. Usa ka kaliwat ni Caleb pinaagi kang Samai. Si Maon lagmit mao ang amahan sa mga molupyo sa Bet-zur o ang punoan o magtutukod nianang siyudara.​—1Cr 2:​42, 45.

2. Usa ka siyudad sa bukirong rehiyon sa Juda. (Jos 15:​20, 48, 55) Si David ug ang iyang mga tawo gigukod ni Haring Saul hangtod sa kamingawan nga naglibot sa Maon. Apan ang balita nga misulong ang mga Filistehanon nagpugos kang Saul sa paghunong sa paggukod. (1Sa 23:24-28) Sa ulahi, ang mga tawo ni David wala hatagig maayong pagtagad ni Nabal, usa ka datong tag-iyag yuta nga lagmit nagpuyo sa Maon. (1Sa 25:2-11) Kini nga siyudad gituohan nga mao ang Tell Maʽin (Horvat Maʽon [Bi-Yehuda]) ibabaw sa usa ka habog nga bungtod nga mga 13 km (8 mi) sa HHS sa Hebron.