PEʼ

[פ; kataposan, ף].

Ang ika-17 nga letra sa Hebreohanong alpabeto. Usa kini sa lima ka Hebreohanong mga letra nga adunay lahing porma sa dihang gamiton ingong kataposang letra sa usa ka pulong. Ang ngalan niini nga letra nagkahulogang “baba.”

Ang Hebreohanong tunog maoy katumbas sa Cebuanong “p” sa dihang kini adunay tulbok (daghesh lene); apan kon walay ingon niini nga tulbok kini litokon ingong “f” sama sa “Filadelfia.” Kini nga letra mao ang sinugdanan sa matag usa sa walo ka bersikulo diha sa Hebreohanong teksto sa Salmo 119:129-136.​—Tan-awa ang HEBREOHANON, II.