SET

[Gitudlo; Gibutang; Gitakda].

Ang anak nga lalaki ni Adan ug Eva nga natawo sa dihang si Adan nagpanuigon ug 130. Si Eva nagngalan kaniya ug Set kay, sumala sa iyang giingon, “Ang Diyos nagpili ug laing binhi alang kanako puli kang Abel, tungod kay si Cain nagpatay man kaniya.” Si Set lagmit dili mao ang ikatulong anak ni Adan ug Eva. Sumala sa Genesis 5:​4, si Adan dunay “mga anak nga lalaki ug mga anak nga babaye,” ang pipila kanila lagmit nangatawo sa wala pa si Set. Si Set takos sa pagtagad tungod kay si Noe, nga pinaagi kaniya naggikan ang presenteng-adlawng rasa sa katawhan, maoy kaliwat ni Set, dili sa mamumunong si Cain. Sa panuigong 105 si Set nanganak kang Enos. Si Set namatay sa panuigong 912 (3896-2984 W.K.P.).​—Gen 4:​17, 25, 26; 5:3-8; 1Cr 1:1-4; Luc 3:38.