DANGAW

Usa ka sukod sa gitas-on o sa gisangkaron nga halos katumbas sa distansiya tali sa tumoy sa kumagko ug sa tumoy sa kumingking kon bukhon ang kamot. (Ex 28:16; 39:9; 1Sa 17:4; Eze 43:13) Ang duha ka dangaw katumbas sa usa ka maniko; ug ang tulo ka dapal katumbas sa usa ka dangaw. Adunay pamatuod nga ang maniko nga kasagarang gigamit sa mga Israelinhon maoy 44.5 sm (17.5 pul.) ang gitas-on. (Tan-awa ang MANIKO.) Busa, ang dangaw maoy 22.2 sm (8.75 pul.) ang gitas-on.

Sa dihang gipasiugda ang pagkadako ni Jehova, ang manalagna nga si Isaias nangutana: “Kinsay . . . nakakuha sa mga sukod sa kalangitan pinaagi lamang sa dangaw?”​—Isa 40:12.