Mga Pangutana Gikan sa mga Magbabasa
◼ Mahitungod sa mga pulong ni Jesus diha sa Juan 15:15, angay bang isipon sa mga Kristohanon ang ilang kaugalingon ingong iyang “mga ulipon,” o mahimo bang isipon nato ang atong kaugalingon nga iyang “mga higala”?
Kita makahimo ug angay makaisip sa atong kaugalingon niining duha. Aron masabtan ngano, atong panid-an kon unsay gisulti ni Jesus didto sa iyang matinumanong mga apostoles sa iyang kataposang gabii uban kanila:
“Walay bisan kinsa nga may gugma ngalabaw pa niini, nga ang usa ka tawo magahalad sa iyang kinabuhi sa pagpakamatay alang sa iyang mga higala. Kamo mga higala nako kon magatuman kamo sa akong isugo kaninyo. Dili ko na kamo nganlan nga mga ulipon, kay ang ulipon dili masayod sa ginabuhat sa iyang agalon. Apan ginganlan ko kamo nga mga higala, kay ang tanan nga nadungog ko gikan sa akong Amahan, kini gipahibalo ko man kaninyo.”—Juan 15:13-15.
Una, unsay buot ipasabot ni Jesus sa pag-ingon nga ang iyang maunongong mga disipulo mga ulipon? Wala siya magpasabot nga sila mga ulipon sa diwa nga ang tanang tawhanong mga anak ni Adan natawong dili-hingpit, busa nabaligya o naulipon sa sala. (Juan 8:34; Roma 5:18, 19; 6:16; 7:14) ASama sa mga Kristohanon sukad niadto, naulipon ang mga apostoles nianang paagiha, apan ang halad ni Jesus nagtagana sa paagi sa paglibre o pagpagawas kanila. (1 Pedro 1:18, 19; Galacia 4:5) Apan wala dayon sila bug-os nakagawas. Sumala sa gisulat sa ulahi ni apostol Pablo, sila “gipalit sa usa ka bili,” Sa dugo ni Jesus, busa sila nahimong mga ulipon sa Diyos ug kang Kristo.—1 Corinto 6:20; 7:22,23.
Diha sa Juan 15:15 wala magsugyot si Jesus nga ang matinumanong mga apostol nga sa dili madugay makadawat sa balaang espiritu ug mahimong dinihogang mga Kristohanon dili na mga ulipon. (Itandi ang Juan 15:20.) Sa pagkatinuod, ang pagkaulipon sa Diyos pinaagi ni Kristo dili malupigon ug makamatay. Kini mahigugmaon ug makahatag kinabuhi. (2 Timoteo 4:8; Tito 1:1, 2) Ang Kristohanon nga malipayong midawat sa bili sa dugo ni Kristo ug nahimong ulipon sa Diyos maagaatubang ug dumalayon kamatayon kon iyang isalikway sa ulahi kanang maong halad ug magpadalag balik sa kasal-anan, mahimong ulipon niana pag-usab (Galacia 1:10; 4:8, 9; Hebreohanon 6:4-6) Busa, ang mga disipulo ni Jesus magpadayong mga ulipon sa Diyos ug ni Kristo, apan sila labaw pa kay sa ulipon lamang. Ngano?
Si Jesus aug ang mga apostoles nakasabot nga balik niadto, sa normal bugnaw o pormal ang relasyon sa agalon-ulipon, ‘dli mahibalo ang ulipon sa buhaton sa agalon.’ Sa kinaiyanhon, ang tawhanong agalon dili makigsabot sa iyang napalit nga ulipon, ni iyang ipadayag kaniya ang iyang pribadong mga hunahuna ug mga pagbati.
Hinunoa, atong makita gikan sa mga pulong ni Jesus, nga lahi kadto uban sa mga apostoles. Siya miingon: “Ginganlan ko kamo nga mga higala, kay ang tanan nga nadungog ko gikan sa akong Amahan, kini gipahibalo ko man kaninyo.” (Juan 15:15) Oo, sama diha sa kadaghanang minahal nga mga higala, gibutyag ni Jesus kanila ang mga detalye ug ang mga pagsabot nga tinagoan. (Mateo 13:10-12; 1 Corinto 2:14-16) Bisan pag mga sulogoon gihapon sila, o mga ulipon, ang Diyos pinaagi ni Jesus, ang mga apostoles nagpahimulos ug mainitong pakigsuod nga nagtimaan usab kanila ingong sinaligang mga higala. (Itandi ang Salmo 25:14.) Kana angay nga mahimong tinuod diha kanato usab. Pagkadakong pribilehiyo nga dunay mga Agalon sa langit kinsa nagtagad kanato ingong sinaligan ug tinahod nga mga ikasulti, ingong mga higala!