Bag-ong Programa sa Espesyal nga Adlaw nga Asembliya
1 “Mahimong mga Tawong Natudloan ni Jehova” mao ang tema sa bag-ong programa sa espesyal nga adlaw nga asembliya nga magsugod sa Pebrero. (Juan 6:45) Ang balaang pagtudlo gikan kang Jehova makatabang gayod kanato sa pagkinabuhi sa matagbawong mga kinabuhi. Nagaugmad kini sa sulod nato ug maidlot nga apresasyon para sa atong espirituwal nga panulondon. Ang atong mga panikaysikay sa pagtabang sa uban nga makadungog sa maayong balita magpahimo natong mapuslanong mga membro sa katilingban. Kini nga espesyal nga adlaw nga asembliya magpasiugda sa mga panalangin nga gipahimuslan sa mga tawo nga natudloan ni Jehova.
2 Ang programa magtandi sa kalainan sa mga benepisyo sa balaang pagtudlo uban sa mga kapeligrohan sa kalibotanong kahibalo. Tin-aw natong masabtan kon giunsa ni Jehova pagtagana ang labing hataas nga porma sa edukasyon—edukasyon nga pinasukad sa iyang Pulong, ang Bibliya. Ang pagpasiugda ipadapat diha sa tulo ka luna sa pagsimba nga niana kita nagatagamtam ug kalipay nga natudloan sa Diyos. Dugang pa, ang mga batan-on madasig nga sundon ang talagsaong mga panig-ingnan sa Bibliya sama kang David ug Timoteo ug tukoron ang ilang mga kinabuhi palibot sa espirituwal nga mga kalihokan. Ang atong pagtuo mapalig-on sa dihang ipasiugda ang pagkamaunongon sa mga tigulang. Ang bag-ong mga dedikado kinsa takos mabawtismohan man. Nga abante pa kaayo sa adlaw sa asembliya, kinahanglang pahibaloon nila ang nagadumalang magtatan-aw sa maong tinguha.
3 Ang lintunganayng diskurso sa maong espesyal nga adlaw nga asembliya nag-ulohang “Natudloan ni Jehova sa Pagbuhat sa Iyang Kabubut-on.” Magpasiugda kini sa mga katarongan kon nganong kitang tanan kinahanglang magpadayon sa pagkakat-on, nga magmalig-on sa pagtuo, ug sa pagpadayon sa pag-uswag. Ang makapalig-ong mga kasinatian igalakip aron ipasundayag kon sa unsang paagi ang mga publikasyon sa Sosyedad nakatabang sa daghan nga matudloan ni Jehova.
4 Himoa ang tinong mga plano sa pagtambong. Kahinami nga matudloan sa daghang maayong mga butang pinaagi sa atong Dakong Magtutudlo.—Isa. 30:20.