Footnote

a Sa pagpasiugda sa Gingharian sa Diyos, ang mga Saksi ni Jehova dili moapil sa politika o moaghat sa pagrebelde batok sa sekular nga mga gobyerno, bisan diha sa mga nasod diin gidili o gilutos ang mga Saksi. (Tito 3:1) Hinunoa, sila naningkamot sa paghimog mapuslanon, espirituwal, dili-politikanhon nga kontribusyon sama sa paagi nga gihimo ni Jesus ug sa iyang unang-siglo nga mga tinun-an. Ang mga Saksi naningkamot sa pagtabang sa mga tawong hilig sa pagkamatarong diha sa lainlain nilang mga komunidad sa pagsagop sa maayong mga sukdanan sa Bibliya, sama sa gugma alang sa pamilya, pagkamatinud-anon, moral nga kahinlo, ug maayong batasan sa pagtrabaho. Sa panguna, sila naningkamot sa pagtudlo kanila kon unsaon pagtuman sa mga prinsipyo sa Bibliya ug sa pagbutang sa ilang pagsalig diha sa Gingharian sa Diyos ingong ang tinuod nga paglaom sa mga tawo.