15. Human sa Armagedon, unsay mahitabo kang Satanas ug sa iyang mga demonyo?

¹⁵ Una, masaksihan ni Satanas ang bug-os nga kalaglagan sa iyang organisasyon sa yuta. Dayon dunay mahitabo kaniya. Gisultihan kita ni apostol Juan kon unsa kana. (Basaha ang Pinadayag 20:1-3.) Si Jesu-Kristo, ang ‘manulonda nga may dalang yawi sa kahiladman,’ magtambog kang Satanas ug sa iyang mga demonyo ngadto sa kahiladman ug magbilanggo kanila sulod sa 1,000 ka tuig. (Luc. 8:30, 31; 1 Juan 3:8) Kini ang sinugdanan sa pagsamad sa ulo sa halas.c—Gen. 3:15.