JABAL

Usa ka kaliwat ni Cain; anak nga lalaki ni Lamek ug sa iyang unang asawa nga si Ada. (Gen 4:​17, 19, 20) Si Jabal gitawag nga “ang mag-uugda niadtong mga nagapuyo sa mga tolda ug may kahayopan.” Si Jabal dili mao ang unang magbalantay sa kahayopan, kay si Abel usa man ka magbalantay kanhi; apan dayag nga si Jabal ang nagsugod o ang labing inila nga tig-alimag kahayopan samtang sila nagbalhinbalhin pagpuyo. Lagmit siya ang nag-imbento sa mga tolda, nga mas daling ibalhin kay sa permanenteng mga puloy-anan sa dihang mahurot na ang usa ka sibsibanan.