IYE-ABARIM

[Mga Kagun-oban sa mga Tabokanang Bahin (Mga Labanganan); Mga Kagun-oban sa Utlanan (Mga Rehiyon sa Unahan)].

Usa sa mga gikampohan sa Israel didto sa kamingawan. Dili tino ang tukmang nahimutangan niini, apan dayag nga kini anaa sa habagatang utlanan sa Moab ug duol sa bul-oganang walog sa Zered. (Num 21:​11, 12; 33:44) Ang Iye-abarim tingali mao ang nagsilbing timaan sa kinahabagatang tumoy sa rehiyon sa Abarim. (Num 33:​47, 48; tan-awa ang ABARIM.) Si Yohanan Aharoni nagsugyot nga kini mao ang el-Medeiyineh diha sa tabokanang bahin sa Sapa sa Zered, mga 60 km (37 mi) sa H sa Dibon-gad, ang sunod nga dapit nga gitalang gikampohan.​—The Land of the Bible, 1979, pp. 202, 436.