• Siya “Gipahayag nga Matarong Pinaagi sa Binuhatan”
    Ang Bantayanang Torre—2013 | Nobyembre 1

    • SI RAHAB NGA PAMPAM

      Si Rahab maoy usa ka pampam. Nakapakurat gayod kini sa pipila ka komentarista sa Bibliya kanhi maong nagtuo sila nga siya usa lang ka tigbantay sa balay-abtanan. Apan, tin-aw ang giingon sa Bibliya ug wala kini magtago sa tinuod. (Josue 2:1; Hebreohanon 11:31; Santiago 2:25) Sa kultura sa mga Canaanhon, lagmit dalawaton ra ang trabaho ni Rahab. Bisan pa niana, lagmit gihasol si Rahab sa iyang tanlag. Kana maoy kinaiyanhong katakos sa pag-ila sa husto ug sayop nga gihatag ni Jehova kanato. (Roma 2:14, 15) Lagmit gikaulaw gayod ni Rahab ang iyang pagkinabuhi. Tingali, sama sa daghan karon nga susama niyag kahimtang, siya mibating wala nay kapiliang trabaho aron masuportahan ang iyang pamilya.

  • Siya “Gipahayag nga Matarong Pinaagi sa Binuhatan”
    Ang Bantayanang Torre—2013 | Nobyembre 1

    • GIDAWAT ANG MGA ESPIYA

      Usa ka adlaw niana, sa wala pa magmartsa ang Israel libot sa Jerico, duha ka estranyo ang miabot sa balay ni Rahab. Naglaom silang walay makakita nila, apan sa maong tensiyonadong siyudad, daghan ang igmat nga naniid kay basig may makasulod nga espiya gikan sa Israel. Lagmit dali rang nakamatikod si Rahab kon kinsa ning mga tawhana, kay bisag normal lang nga may estranyong lalaki nga moadto niya, kining duha gusto lag kaestaran​—dili serbisyo sa usa ka pampam.