ADONI-BEZEK

[Ginoo sa Bezek].

Usa ka gamhanang magmamando kinsa, sa wala pa mosulong ang mga Israelinhon sa Bezek, nagbuntog sa 70 ka paganong hari pinaagi sa pagputol sa ilang mga kumagko sa kamot ug tiil.

Dihay panahon nga ang samang batasan gibuhat usab sa karaang mga taga-Atenas, kinsa nagsugo nga ang ilang mga binilanggo sa gubat putlan sa ilang mga kumagko sa kamot. Human niana sila makahimo sa pagbugsay apan dili na makagamit sa espada o bangkaw. Wala madugay human mamatay si Josue ang hiniusang kasundalohan sa Juda ug Simeon nakig-away sa 10,000 ka kasundalohan sa mga Canaanhon ug mga Perizihanon sa Bezek, nga nagpakalagiw kang Adoni-bezek tungod sa kapildihan. Sa dihang nadakpan, giputlan siya sa iyang mga kumagko sa kamot ug tiil, nga nianang panahona siya miingon: “Ingon sa akong gibuhat, mao usab ang gibalos sa Diyos kanako.” Siya gidala sa Jerusalem diin didto siya namatay.​—Huk 1:4-7.