AMIEL

[Katawhan sa Diyos].

1. Anak nga lalaki ni Gemali sa tribo ni Dan. Usa sa 12 nga gipadala ni Moises aron mangespiya sa yuta sa Canaan. (Num 13:12) Usa siya sa napulo ka espiya nga nagdalag daotang taho bahin sa Yutang Saad; siya namatay gumikan sa hampak ni Jehova.​—Num 14:​36, 37.

2. Amahan ni Makir sa Lo-debar, sa S sa Jordan. Didto sa balay ni Makir nagpuyo si Mepiboset, ang anak nga lalaki ni Jonatan, sa dihang si David nagtinguha sa pagpakitag mahigugmaong-kalulot ngadto kaniya.​—2Sa 9:​4, 5, 7; 17:27.

3. Amahan ni Bat-seba nga asawa ni Urias nga sa ulahi gikuha ni David. (1Cr 3:5) Sa 2 Samuel 11:3, siya gitawag ug Eliam, nga usa lamang ka pagbaylo sa mga letra sa ngalang Amiel ug nagkahulogan nga “Diyos sa Katawhan.” Lagmit nga siya mao ang anak nga lalaki ni Ahitopel nga taga-Gilo, nga maoy magtatambag ni David apan sa kapulihay nahimong maluibon.​—2Sa 23:34; 15:31.

4. Usa ka Levihanon, ang ikaunom nga anak nga lalaki ni Obed-edom. Usa siya ka magbalantay-sa-ganghaan nga lakip sa gihimong tinugyanan sa mga balay-tipiganan ni Jehova sa panahon ni David.​—1Cr 26:​4, 5, 12-15.