Niadtong 1910 ang mga arkeologo nakakaplag didto sa mga tipak sa yutang-kolonon nga may sinulat, nga nagsulat sa mga kargada sa bino ug lana sa olibo o sa mga buhis nga nabayran. Apan daghan sa personal nga mga ngalan diha kanila nagbaton sa bahin nga baʹal. Basin makaikag ka nga nadiskobrehan usab sa mga arkeologo ang mga tipik sa gihal-op o mga palid sa garing o ivory, sumala sa gipakita dinhi. Hinumdomi nga ang 1 Hari 22:39 dugay na naghisgot nga si Ahab mitukod sa “usa ka balay nga garing.” Tingali kadto nag-apil sa muwebles nga may kinulit nga may gihal-op nga garing, sama sa nindot kaayong “mga kama nga garing” nga gitumong usa ka siglo sa ulahi ni propeta Amos. (Amos 3:12, 15; 6:1, 4) Apil sa mga desinyo diha kanila mao ang pak-an nga mga sphinx ug ubang mga simbolo gikan sa Ehiptohanong mitolohiya.

Gisal-ot: Israel Department of Antiquities and Museums; hulagway gikan sa Israel Museum, Jerusalem