TEL-ASAR

Usa ka dapit nga gipuy-an sa “mga anak sa Eden” nga gihisgotan uban sa Gozan, Haran, ug Rezep​—mga dapit sa amihanang Mesopotamia. (2Ha 19:12; Isa 37:12) Si Senakerib nanghambog, pinaagi sa iyang mga mensahero, nga ang mga diyos nga gisimba sa katawhan niining mga dapita wala makahimo sa pagluwas kanila gikan sa gahom sa iyang mga katigulangan. Tungod sa paghisgot sa “mga anak sa Eden,” ang Tel-asar gilangkit sa kadaghanan sa gamayng gingharian sa Bit-adini ubay sa Ibabaw nga Euprates. Ang mga monarko sa Asirya nga si Tiglat-pileser III ug Esar-hadon parehong naghisgot sa usa ka Til-Ashuri, apan ang nahimutangan niini giisip nga haduol sa Asiryanhong utlanan sa Elam. Busa, ang identipikasyon sa Tel-asar nagpabiling dili tino.