ADRAMELEK

1. Usa ka anak nga lalaki ni Haring Senakerib sa Asirya. Si Adramelek ug ang iyang igsoong lalaki nga si Sarezer nagpatay sa ilang amahan samtang siya nagyukbo diha sa balay sa iyang diyos nga si Nisrok didto sa Nineve. Dayon sila miikyas ngadto sa yuta sa Ararat, lagmit sa dapit sa karaang Armenia diha sa bukirong rehiyon dapit sa K sa nailhan karon nga Dagat Caspian. (2Ha 19:35-37; Isa 37:36-38) Usa ka inskripsiyon ni Esar-hadon, laing anak nga lalaki ni Senakerib, ang nag-asoy nga ingong manununod sa iyang amahan siya nakig-away ug nagpildi sa kasundalohan sa mga mamumuno sa iyang amahan didto sa Hanigalbat sa maong rehiyon.

2. Usa ka diyos nga gisimba sa mga Separvihanon, usa sa mga nasakop nga katawhan nga gidala sa hari sa Asirya ngadto sa teritoryo sa Samaria human niya idestiyero ang mga Israelinhon nga sakop sa napulo-ka-tribong gingharian. Ngadto kang Adramelek ug Anamelek gihalad sa mga Separvihanon ang ilang mga anak nga lalaki diha sa kalayo.​—2Ha 17:22-24, 31, 33.