ELHANAN

[Ang Diyos Nagpakitag Pabor; Ang Diyos Mapuangoron].

1. Ang anak nga lalaki ni Jair kinsa, sa pagpakiggubat sa mga Filistehanon, nagpatay kang Lami nga igsoong lalaki ni Goliat nga Gitihanon. (1Cr 20:5) Sa 2 Samuel 21:19 si Elhanan gitawag nga “anak nga lalaki ni Jaare-oregim nga taga-Betlehem,” ug giingon nga siya nagpatay kang Goliat. Apan, gituohan sa daghang eskolar nga ang orihinal nga mabasa sa 2 Samuel 21:19 maoy pareho sa 1 Cronicas 20:​5, nga mitungha ang kalainan sa duha ka teksto tungod sa sayop sa magkokopya.​—Tan-awa ang JAARE-OREGIM; LAMI.

2. Anak nga lalaki ni Dodo sa Betlehem; usa sa mga gamhanang tawo ni David.​—2Sa 23:24; 1Cr 11:26.