-
Siya Mibarog Dapig sa Katawhan sa DiyosSundoga ang Ilang Pagtuo
-
-
22. Nganong mahadlok si Ester nga moatubang sa iyang bana nga hari? (Tan-awa usab ang footnote.)
22 Gikulbaan gayod si Ester sa dihang nadungog niya ang maong mensahe. Kini ang kinadak-ang pagsulay sa iyang pagtuo. Siya nahadlok, ingon sa iyang gipadayag kang Mardokeo. Iyang gipahinumdoman siya sa balaod sa hari. Ang pag-atubang sa hari nga wala ipatawag nagpasabot ug kamatayon. Gawas lamang kon itunol sa hari ang iyang setrong bulawan nga siya dili patyon. Makalaom ba si Ester nga kaluy-an siya, ilabina sa nahitabo kang Vasti sa dihang midumili kini sa pag-atubang sa hari? Iyang giingnan si Mardokeo nga ang hari wala magpatawag kaniya sulod na sa 30 ka adlaw! Tungod niini, lagmit naghunahuna siya nga ang hari wala na ganahi niya.e—Est. 4:9-11.
-
-
Siya Mibarog Dapig sa Katawhan sa DiyosSundoga ang Ilang Pagtuo
-
-
e Si Xerxes I nailhan nga sipokog ulo ug bangis. Ang Gregong historyano nga si Herodotus nagrekord sa pipila ka pakiggubat ni Xerxes batok sa Gresya. Ang hari nagsugo nga sumpay-sumpayon ang mga barko aron magsilbing tulay latas sa dagat sa Hellespont. Sa dihang ang mga barko naguba tungod sa bagyo, gipaputlag ulo ni Xerxes ang mga inhenyero ug gimandoan pa gani ang iyang mga tawo nga “silotan” ang Hellespont pinaagi sa pagbunal sa tubig samtang gibasag kusog ang panginsulto. Niana gihapong hitaboa, sa dihang mihangyo ang usa ka datong tawo nga dili una paapilon ang iyang anak sa gubat, gimando sa hari nga pikason ang lawas sa anak ug ipakita sa publiko ingong pasidaan.
-