ENERO 22-28

BAHANDI GIKAN SA PULONG SA DIYOS

1. Naggahin ba Kag Panahon sa Pagpaniid sa Kalalangan?

(10 min.)

Human himoa ni Jehova ang yuta, migahin siyag panahon sa pagpamalandong sa iyang buhat (Gen 1:10, 12; Job 38:5, 6; w21.08 9 ¶7)

Ang mga anghel migahin ug panahon sa pagpaniid sa kalalangan ni Jehova (Job 38:7; w20.08 14 ¶2)

Mapalig-on nato ang atong pagsalig kang Jehova dihang mogahin tag panahon sa pagpaniid ug pag-apresyar sa kalalangan (Job 38:32-35; w23.03 17 ¶8)

Usa ka inahan ug ang iyang anak nga babaye malipayong nagtan-aw sa alibangbang sa gawas sa ilang balay.

2. Espirituwal nga mga Bahandi

(10 min.)

Job 38:8-10—Unsay gitudlo niini nga mga bersikulo bahin kang Jehova ingong Tighatag ug Balaod? (it-2 232)

Imong tubag
Unsang espirituwal nga mga bahandi ang imong nakat-onan sa pagbasa sa Bibliya niining semanaha?

Imong tubag

3. Pagbasa sa Bibliya

(4 min.) Job 39:1-22 (th tun-anan 5)

MAGMAEPEKTIBO SA MINISTERYO

4. Dihang Magsugod ug Panag-Estorya

(2 min.) IMPORMAL NGA PAGSANGYAW. Taposa ang panag-estorya sa buotan nga paagi dihang maamgohan nimo nga ang tawo dili gustong makig-estorya. (lmd leksiyon 2 punto 3)

5. Dihang Magbalikduaw

(5 min.) PAGPAMALAYBALAY. Sa miaging panag-estorya, giingnan ka sa imong kaestorya nga bag-o ra siyang namatyag minahal. (lmd leksiyon 9 punto 3)

6. Pakigpulong

(5 min.) lmd apendise A punto 1—Tema: Ang Panghitabo ug Batasan sa mga Tawo Karon Nagpakita nga Naay Kausaban sa di Madugay. (th tun-anan 16)

KRISTOHANONG PAGKINABUHI

7. Ang Pagpaniid sa Kalalangan Makatabang Nato nga Dili Magpokus sa Kaugalingon

(15 min.) Pakighisgot.

Si Job namalandong sa makapahingangha nga mga hayop nga gilalang ni Jehova, apil ang hipopotamus, madremadre, ostrich, buaya, agila, kabayo, ug ihalas nga torong baka. Naay kusog nga unos, ug si Elihu ug ang tulo ka nagpakaaron-ingnon nga maghuhupay naglingkod duol kang Job.

Dihang si Job gisaway sa iyang tulo ka higala ug giatake ni Satanas, napokus pag-ayo si Job sa iyang mga problema ug sa dili makataronganong pagsaway nga iyang nadawat.

Basaha ang Job 37:14. Dayon pangutan-a ang mamiminaw:

Unsay kinahanglang himoon ni Job aron molig-on pag-usab ang iyang espirituwalidad?

Imong tubag

Dihang mabug-atan kaayo ta sa mga pagsulay, makatabang nato ang pagpaniid sa kalalangan. Kini magpahinumdom nato sa pagkagamhanan ni Jehova, magpalig-on sa atong tinguha nga magmaunongon kaniya, ug mas mosalig nga iya gyod tang atimanon.—Mat 6:26.

I-play ang VIDEO nga Mga Leksiyon Gikan sa Basahon sa Job—Mga Hayop. Dayon pangutan-a ang mamiminaw:

Sa unsang paagi kini nga video nagpalig-on sa imong pagsalig kang Jehova?

Imong tubag

8. Pagtuon sa Kongregasyon sa Bibliya

(30 min.) bt kap. 4 ¶13-20