ABIASAP

[Ang (Akong) Amahan Nagtigom].

Usa sa tulo ka anak nga lalaki ni Kore nga Levihanon, ug usa ka kaliwat ni Kohat. (Ex 6:16-24) Ang iyang mga igsoong lalaki mao si Elkana ug Asir. Lagmit siya ang gitawag ug Ebiasap sa 1 Cronicas 6:37 ug tingali sa 1 Cronicas 9:19 ug 1 Cronicas 6:23.

Mopatim-aw nga ang mga anak ni Kore wala moduyog sa ilang amahan sa iyang pagrebelde uban kang Datan ug Abiram batok kang Moises ug Aaron. Busa, kini nga mga anak wala mamatay uban sa ilang amahan niadtong panahona. (Num 26:9-11) Tungod niana, sa ulahi nga yugto, makita nato nga gihisgotan ang “mga anak ni Kore” diha sa mga superskripsiyon sa daghan sa Mga Salmo (42, 44-49, 84, 85, 87, 88), bisan tuod nga kining terminoha, sa panguna, nagkahulogang “mga kaliwat ni Kore,” o “balay ni Kore.”