FEATURE
Paghari ni Solomon
ANG paghari ni Haring Solomon naghatag kanato ug matagnaong pasiklap sa umaabot. Panahon sa iyang harianong pagmando ang Israel nakaabot sa kinatayuktokan niini kon bahin sa bahandi ug himaya. Si Solomon maoy usa ka maalamong hari ug batid nga organisador. Gitukod niya ang usa ka halangdong templo alang kang Jehova, lainlaing mga bilding sa kagamhanan, ug usa ka harianong palasyo, ingon sa gipakita sa ubos. Giestablisar niya ang administratibong mga distrito nga nagrelibohay sa pagtagana ug nagkadaiyang pagkaon alang sa panimalay sa hari sa bisan unsang panahon.
Ang pagmando ni Solomon maoy usa ka panahon sa tinuod nga kalinaw ug kasegurohan. Kini naglandong gayod sa malinawong paghari sa Mesiyas, kinsa ‘aduna unyay mga sakop gikan sa usa ka dagat ngadto sa laing dagat ug gikan sa Suba [sa Euprates] hangtod sa mga kinatumyan sa yuta.’—Sal 72:8.
MAPA: Dominyo ni Solomon
Panahon sa paghari ni Solomon, ang Juda ug Israel nagpuyo sa kasegurohan—sa malarawanong pagkasulti, ang matag usa ilalom sa iyang kaugalingong paras ug ilalom sa iyang kaugalingong kahoyng igos (1Ha 4:25)
Bisan ang mga magmamando sa ubang kayutaan miadto aron sa pagpaminaw sa iyang kaalam (1Ha 4:34; 10:1)