Dayon ang maalamong hari misulti sa mga batan-on: “Anak ko, pamatia ang disiplina sa imong amahan, ug ayaw talikdi ang balaod sa imong inahan. Kay kini maoy usa ka madanihong purongpurong sa imong ulo ug usa ka maanindot nga kulentas sa imong liog.”​—Proverbio 1:8, 9.

Sa pagkatinuod, sa tibuok Bibliya ang pamilya mao ang sukaranang yunit sa paghatag ug edukasyon. (Efeso 6:1-3) Kon ang mga anak mosugot sa ilang magtutuong mga ginikanan sila mahulagwayong gidayandayanan ug madanihong purongpurong sa katahom ug usa ka kulentas sa pasidungog.