¹⁰ Unsay kahulogan sa gipahayag sa ibabaw? Kini: Una ang nanghibilin ug sa ulahi ang “dakong panon” sa “ubang mga karnero” migula sa Babilonyang Bantogan ug nahimong mga saksi sa Gingharian sa Diyos. Apan pinaagi sa unsang dalana ang ilang agian aron mabatonan pagbalik ang kahimuot sa Diyos ug maagak ngadto niining espirituwal nga paraiso? Ingon nga daw ang halapad, haluag nga alagianan gibuksan alang kanila aron hiusang makalakaw ang mga panon nga may espiritu sa paglalin nga mga Israelitas paingon ngadto sa ilang hinatag sa Diyos nga yuta. Gipadayag kini sa mahimayaong tagna ni Isaias:

¹⁵ Sa Hunyo 1, 1935, diha sa kombensiyon sa Washington, D.C., 840 sa “dakong panon” ang gibawtismohan sa tubig, nga naghatag ug makitang pamatuod nga sila misugod na sa pagsulod sa “dalan.” Karon, ang nagatubong milyonmilyon kanila misulod na nianang dalana, nga nakigduyog sa nagkadiyutayng gidaghanon sa dinihogang nanghibilin. Sa malinawon ug malipayong pag-ubanay, sila dungan karong nanglakaw diha sa “dalan,” determinado nga, pinaagi sa tabang sa Diyos nga Labing Makagagahom sa langit, walay makabungkag sa ilang panaghiusa.