• “Magpatungha Kog Usa ka Magbalantay”
    Putli nga Pagsimba Kang Jehova—Napasig-uli Na Gyod!
    • Agila nga nagdalag salingsing sa kahoyng sedro.

      Ang unang dakong agila nagsimbolo kang Haring Nabucodonosor sa Babilonya (Tan-awa ang parapo 6)

      6. Unsay kahulogan sa tigmo?

      6 Unsay kahulogan sa tigmo? (Basaha ang Ezequiel 17:11-15.) Sa 617 B.C.E., si Haring Nabucodonosor sa Babilonya (ang unang “dakong agila”) milikos sa Jerusalem. Iyang gitangtang sa trono ang hari sa Juda nga si Jehoiakin (ang “kinatumyang salingsing”) ug gidala siya sa Babilonya (“usa ka siyudad sa mga negosyante”). Gipuli ni Nabucodonosor si Zedekias (usa sa harianong mga “binhi sa yuta”) sa trono sa Jerusalem. Ang bag-ong hari sa Juda gipapanumpa sa ngalan sa Diyos, mao nga obligado siya nga mahimong maunongong sakop nga hari. (2 Cron. 36:13) Apan wala tumana ni Zedekias ang iyang panumpa; siya mirebelde sa Babilonya ug nagpatabang sa Paraon sa Ehipto (ang ikaduhang “dakong agila”), pero wala kini molampos. Gihukman ni Jehova ang pagkadili-maunongon ni Zedekias. (Ezeq. 17:16-21) Sa kataposan, si Zedekias gitangtang sa trono, ug siya namatay sa prisohan sa Babilonya.​—Jer. 52:6-11.