“Magpadayon sa Pagbantay”

25:1-12

Bisag ang ilustrasyon ni Jesus bahin sa 10 ka ulay direktang nagtumong sa mga dinihogan, ang pangunang mensahe niini mapadapat sa tanang Kristohanon. (w15 3/15 12-16) “Busa, magpadayon sa pagbantay tungod kay wala kamo mahibalo sa adlaw ni sa takna.” (Mat. 25:13) Mapatin-aw ba nimo ang ilustrasyon ni Jesus?

• Pamanhonon (ber. 1)​—Jesus

• Maalamon, andam nga mga ulay (ber. 2)​—Dinihogang mga Kristohanon nga andam sa bug-os nga pagtuman sa ilang asaynment ug nagasidlak ingong mga magbabanwag hangtod sa kataposan (Flp 2:15)

• Ang pagsinggit: “Ania na ang pamanhonon!” (ber. 6)​—Pamatuod sa presensiya ni Jesus

• Ang buangbuang nga mga ulay (ber. 8)​—Dinihogang mga Kristohanon nga migawas sa pagsugat sa Pamanhonon pero wala magpadayon sa pagbantay ug wala maghupot sa ilang integridad

• Ang maalamong mga ulay wala manghatag sa ilang lana (ber. 9)​—Human sa kataposang pagtimbre, ulahi na ang tanan aron tabangan sa matinumanong mga dinihogan kadtong wala nagmatinumanon

• “Ang pamanhonon miabot” (ber. 10)​—Sa kataposang bahin sa dakong kasakitan, si Jesus moabot aron sa paghukom

• Ang maalamong mga ulay misulod sa kombira sa kasal uban sa pamanhonon, ug gisirhan ang pultahan (ber. 10)​—Tigomon ni Jesus ang iyang matinumanong mga dinihogan ngadto sa langit, pero ang mga dili matinumanon mawad-an sa ilang langitnong ganti