FEATURE
Yutan-ong Ministeryo ni Jesus
ANG ministeryo ni Jesu-Kristo nakaimpluwensiya pag-ayo sa mga kinabuhi sa katawhan sa matag bahin sa kalibotan. Wala tugoti ni Jesus nga siya mabalda gikan sa iyang tumong. Matod pa niya: “Kinahanglan nga . . . ipahayag ko ang maayong balita sa gingharian sa Diyos, tungod kay alang niini gipadala ako.”—Luc 4:43.
Ingon sa gipakita diha sa mga mapa, iyang gikobrehan ang usa ka dakong teritoryo—kasagaran nagbaktas. Maylabot sa kapistahan sa mga Hudiyo, siya mihimog regular nga mga pagpanaw ngadto sa Jerusalem panahon sa iyang ministeryo. Ang mga pagpanaw nga espesipikong gihisgotan diha sa mga Ebanghelyo gipakita diha sa among mga mapa. Gikan sa Jerusalem siya mibiya aron kobrehan ang mga teritoryo sa Judea. Apan siya migahin ug dakong bahin sa iyang panahon didto sa Galilea, nga naghatag sa tibuok lalawigan ug bug-os nga pagpamatuod. Tungod sa iyang ministeryo siya nakaabot usab sa katawhan sa mga rehiyon sa Tiro ug Sidon, latas sa Decapolis, ug ngadto sa Perea. Siya bug-os nga nagpamatuod sa kamatuoran, nga nagbilin ug maayong sumbanan alang sa iyang mga sumusunod.—Ju 18:37; Buh 1:8; Mat 28:19, 20.
MAPA: Yutan-ong ministeryo ni Jesus, Overview
MAPA: Yutan-ong ministeryo ni Jesus, gikan sa tinghunlak sa 29 K.P. hangtod sa Paskuwa sa 30 K.P.
MAPA: Yutan-ong ministeryo ni Jesus, human sa Paskuwa sa 30 K.P. hangtod sa Paskuwa sa 31 K.P.
MAPA: Yutan-ong ministeryo ni Jesus, human sa Paskuwa sa 31 K.P. hangtod sa pagkahuman sa Paskuwa sa 32 K.P.
MAPA: Yutan-ong ministeryo ni Jesus, human sa Paskuwa sa 32 K.P. hangtod sa Pista sa Pagpahinungod sa 32 K.P.
MAPA: Yutan-ong ministeryo ni Jesus, human sa Pista sa Pagpahinungod sa 32 K.P. hangtod sa Nisan 14, 33 K.P.