“Kon Unsay Gihiusa Pagyugo sa Diyos . . .”

Ang Moisesnong Balaod nagsugo sa usa ka tawo nga gustong makigdiborsiyo sa pag-andam ug legal nga dokumento. Kini nakatabang aron dili basta magbulag dayon ang magtiayon. Pero sa panahon ni Jesus, gipasayon sa mga lider sa relihiyon ang pagpakigdiborsiyo. Ang mga bana puwedeng makigdiborsiyo sa ilang asawa bisag unsa pay hinungdan. (“certificate of dismissal” nga study note sa Mar 10:4, nwtsty-E; “divorces his wife,” “commits adultery against her” nga mga study note sa Mar 10:11, nwtsty-E) Gipasiugda ni Jesus nga ang kaminyoon gimugna mismo ni Jehova. (Mar 10:2-12) Ang bana ug asawa mahimong “usa ka unod” diha sa permanenteng bugkos sa kaminyoon. Base sa susamang rekord diha sa Mateo, ang bugtong Kasulatanhong basehanan sa pagdiborsiyo mao ang “pakighilawas” o seksuwal nga imoralidad.​—Mat 19:9.

Karon, ang panglantaw sa daghang tawo bahin sa kaminyoon dili sama sa panglantaw ni Jesus kondili sama sa mga Pariseo. Dihang magkaproblema, daghan ang magdiborsiyo dayon. Pero lahi ang Kristohanong mga magtiayon. Ilang giisip nga seryoso ang ilang panaad sa kaminyoon ug naningkamot nga sulbaron ang mga problema pinaagi sa pagpadapat sa mga prinsipyo sa Bibliya. Tan-awa ang video nga Ang Gugma ug Pagtahod Makapahiusa sa Pamilya, ug dayon tubaga ang mosunod nga mga pangutana:

• 

  Unsaon nimo pagpadapat ang Proverbio 15:1 diha sa imong kaminyoon, ug nganong importante ni?

• Sa unsang paagi ang pagpadapat sa Proverbio 19:11 makatabang nimo sa paglikay sa mga problema?

• Dihang makaatubang ug grabeng problema sa imong kaminyoon, imbes maghunahuna nga, ‘Angay ba ming magdiborsiyo?’ unsang mga pangutana ang angay nimong pamalandongon?

• Sa unsang paagi ang pagpadapat sa Mateo 7:12 makatabang nimo nga mahimong mas maayong bana o asawa?