Karon ang pipila sa maong mga tinun-an sa nabilanggong si Juan nangadto kang Jesus ug nangutana: “Ngano ba nga kami ug ang mga Pariseo nagapuasa man apan ang imong mga tinun-an wala magpuasa?” Ang mga Pariseo nagpuasa kaduha sa usa ka semana ingong rituwal sa ilang relihiyon. Ug tingali ang mga tinun-an ni Juan nagsunod sa susamang batasan. Mahimo usab nga sila nagpuasa sa pagbangotan sa pagkabilanggo ni Juan ug nahibulong nganong ang mga tinun-an ni Jesus wala moduyog kanila sa maong ekspresyon sa kagul-anan.