• Gahom sa Pagpasig-uli—Ginabag-o ni Jehova ang Tanang Butang
    Pakigsuod Kang Jehova

    •  3. Unsang makapahupay nga kaugmaon ang giingon sa Buhat 3:21, ug sa unsang paagi tumanon kini ni Jehova?

      3 Busa makapahupay gyod ang pagkahibalo bahin sa gahom ni Jehova sa pagpasig-uli! Sa atong mahisgotan, daghan kaayo ang kayang ipasig-uli sa Diyos ug iya gyod ning himoon para sa iyang yutan-ong mga anak. Sa pagkamatuod, ang Bibliya nagpadayag nga katuyoan ni Jehova nga ipasig-uli ang “tanang butang.” (Buhat 3:21) Aron mahimo kini, si Jehova mogamit sa Mesiyanikong Gingharian nga gimandoan sa iyang Anak, si Jesu-Kristo. Ang ebidensiya nagpakita nga ang maong Gingharian nagsugod na sa pagmando sa langit niadtong 1914.a (Mateo 24:3-14) Unsa ang ipasig-uli? Atong hisgotan ang pipila sa talagsaong mga buhat sa pagpasig-uli ni Jehova. Usa niini ato nang nakita ug natagamtam. Ang uban mahitabo pa sa umaabot para sa tanan.

  • Gahom sa Pagpasig-uli—Ginabag-o ni Jehova ang Tanang Butang
    Pakigsuod Kang Jehova

    • a Ang “mga panahon sa pagpasig-uli sa tanang butang” nagsugod sa dihang ang Mesiyanikong Gingharian natukod, ug nahimong Hari ang manununod sa matinumanong hari nga si David. Si Jehova misaad kang David nga ang usa niya ka manununod maoy magmando hangtod sa hangtod. (Salmo 89:35-37) Apan human laglaga sa Babilonya ang Jerusalem niadtong 607 B.C.E., walay tawhanong kaliwat ni David ang naglingkod sa trono sa Diyos. Si Jesus, kinsa natawo sa yuta ingong manununod ni David, nahimong Hari dihang naentrono siya sa langit.