17. Unsay nagpakita nga epektibo ang buluhatong pagsangyaw sa unang-siglong mga Kristohanon?

¹⁷ Ang unang-siglong mga Kristohanon nagsangyaw sa maayong balita sa Gingharian sa Diyos uban ang walay-pagkompromisong kasibot. (Mateo 24:14) Sa mga 60 K.P., si Pablo nakaingon nga ang maayong balita “gikawali diha sa tibuok kalalangan ilalom sa langit.” (Colosas 1:23) Pagkatapos sa unang siglo, ang mga sumusunod ni Jesus nakahimog mga tinun-an sa tibuok Romanhong Imperyo​—sa Asia, Uropa, ug Aprika! Bisan ang pipila ka membro sa “panimalay ni Cesar” nahimong mga Kristohanon.a (Filipos 4:22) Kining masibotong pagsangyaw nagpukaw sa kasilag. Matod ni Neander: “Ang Kristiyanidad padayong nag-uswag taliwala sa mga tawo sa tanang hut-ong, ug nagpameligrong mapukan ang relihiyon sa estado.”