HIMENEO

[ginganlan sumala sa ngalan ni Hymen, ang Gregong diyos sa kaminyoon].

Usa ka apostata sa Kristiyanidad sa unang siglo, ug siya gipaila ni Pablo ingong usa ka tigpasipala, puno sa “mga sulting walay-pulos nga nagpasipala kon unsay balaan.” Sa iyang pagtipas gikan sa kamatuoran, si Himeneo, kauban sa usa ka Fileto, nagtudlo ug bakak nga doktrina, nga nagdaot sa pagtuo sa pipila. Usa sa ilang bakak nga mga pagtulon-an mao nga “ang pagkabanhaw nahitabo na” sa ilang adlaw. Dayag nga mao kini ang ilang pagtulon-an: nga ang pagkabanhaw maoy usa lamang ka espirituwal nga pagkabanhaw, usa ka matang nga simbolikanhon, ug nga nabanhaw na ang dedikadong mga Kristohanon, nga mao lamang gayod kini ang kahulogan niining butanga ug wala nay pagkabanhaw pa sa umaabot ilalom sa Mesiyanikong Gingharian sa Diyos.​—2Ti 2:16-18; itandi ang 1Co 15:12-23.

Sa unang sulat ni Pablo kang Timoteo, ang ngalan ni Himeneo gilangkit sa lain pang apostata nga si Alejandro. Ang apostol nag-ingon nga si Himeneo ug Alejandro iyang “gitugyan kang Satanas,” dayag nga nagpasabot sa pagpalagpot ni Pablo kanila gikan sa kongregasyon.​—1Ti 1:18-20.