Kon sa Unsang Paagi Gidaot sa Bakak nga Relihiyon ang Diyos

Kon ang Diyos gugma, nganong ang mga relihiyon nga nangangkong nagsimba niya naghimog daghang daotang buhat? Ang tinuod, kini nga mga relihiyon bakak; ilang gidaot ang Diyos. Giunsa nila pagdaot ang Diyos? Unsay iyang pagbati sa ilang ginahimo? Ug unsay iyang himoon bahin niana?

1. Sa unsang paagi ang mga pagtulon-an sa bakak nga relihiyon nagdaot sa Diyos?

‘Ang kamatuoran sa Diyos gibaylo [niini nga mga relihiyon] sa bakak.’ (Roma 1:25) Pananglitan, ang kadaghanang relihiyon wala magtudlo sa ilang mga sakop bahin sa ngalan sa Diyos. Pero ang Bibliya nag-ingon nga ang ngalan sa Diyos angayng gamiton. (Roma 10:13, 14) Ang ubang lider sa relihiyon moingon nga dihang naay dili maayong mahitabo, pagbuot na sa Diyos. Pero bakak na. Ang Diyos dili gyod mohimog daotan. (Basaha ang Santiago 1:13.) Makapaguol nga tungod sa bakak nga mga pagtulon-an sa relihiyon, ang mga tawo mipalayo sa Diyos.

2. Sa unsang paagi ang binuhatan sa bakak nga relihiyon nagdaot sa Diyos?

Wala sundoga sa bakak nga relihiyon ang pagtratar ni Jehova sa mga tawo. Ang Bibliya nag-ingon nga ang “mga sala [sa bakak nga relihiyon] nagtipun-og sangko sa langit.” (Pinadayag 18:5) Sa ginatos ka katuigan, ang mga relihiyon nag-apil-apil sa politika, nagsuportar sa mga giyera, ug nagpahinabo sa kamatayon o miuyon sa pagpatay sa daghan kaayong tawo. Ang ubang lider sa relihiyon luho ug kinabuhi, mao nga mangayo silag kuwarta sa ilang mga sakop. Kining ilang ginabuhat nagpakita nga wala sila makaila sa Diyos, mao nga wala silay katungod nga morepresentar kaniya.—Basaha ang 1 Juan 4:8.

3. Unsay pagbati sa Diyos sa bakak nga relihiyon?

Kon naglagot ka sa ginahimo sa bakak nga relihiyon, sa imong hunahuna unsa kahay gibati ni Jehova? Gimahal niya ang mga tawo, pero nasuko siya sa mga lider sa relihiyon nga nagdaot niya ug dili maayog pagtratar sa ilang mga sakop. Nagsaad siya nga ang bakak nga relihiyon laglagon ug “dili na gayod makaplagan pa.” (Pinadayag 18:21) Sa dili madugay, wagtangon sa Diyos ang tanang bakak nga relihiyon.—Pinadayag 18:8.

TUN-IG DUGANG

4. Dili tanang relihiyon ang giuyonan sa Diyos

Daghan ang nagtuo nga ang mga relihiyon samag lainlaing dalan nga padulong tanan sa Diyos. Pero tinuod ba na? Basaha ang Mateo 7:13, 14, ug dayon hisgoti kini nga pangutana:

• Unsay giingon sa Bibliya bahin sa dalan nga padulong sa kinabuhi?

I-play ang VIDEO, ug dayon hisgoti ang mosunod nga pangutana:

VIDEO: Dawaton ba sa Diyos ang Tanang Matang sa Pagsimba?—Excerpt (3:22)

• Ang Bibliya ba nagtudlo nga daghang relihiyon ang giuyonan sa Diyos?

5. Ang bakak nga relihiyon wala magpakita sa gugma sa Diyos

Ang mga relihiyon nagdaot sa Diyos sa daghang paagi. Ang usa ka daotan kaayong paagi mao ang ilang pag-apil-apil sa giyera. Ingong pananglitan, i-play ang VIDEO. Dayon hisgoti ang mosunod nga mga pangutana:

VIDEO: Ang Papel sa Simbahan sa Ikaduhang Gubat sa Kalibotan (2:22)

• Unsay gihimo sa daghang relihiyon panahon sa Ikaduhang Gubat sa Kalibotan?

• Unsay imong gibati sa ilang gihimo?

Basaha ang Juan 13:34, 35 ug 17:16. Dayon hisgoti kini nga mga pangutana:

• Unsa kahay gibati ni Jehova sa pag-apil-apil sa mga relihiyon sa giyera?

• Ang bakak nga relihiyon daghag gihimo nga daotan. Unsay imong mga namatikdan nga nagpamatuod nga ang mga relihiyon wala magsundog sa gugma sa Diyos?

6. Gusto sa Diyos nga ang mga tawo mobiya sa bakak nga relihiyon

Basaha ang Pinadayag 18:4,a ug dayon hisgoti kini nga pangutana:

• Unsay imong gibati sa pagkahibalo nga gusto sa Diyos nga luwason ang mga tawo nga gipahisalaag sa bakak nga relihiyon?

7. Padayon sa pagkat-on bahin sa matuod nga Diyos

Ang bakak nga relihiyon angay bang makaapektar sa imong panglantaw sa Diyos? Imadyina ang usa ka anak nga wala mosunod sa maalamong giya sa iyang amahan. Ang anak mihawa sa ilang balay ug nahimong daotan kaayo ang iyang pagkinabuhi. Ang amahan wala malipay sa binuhatan sa iyang anak. Nganong dili makataronganon nga basolon ang amahan sa daotang pagkinabuhi sa iyang rebelyosong anak?

• Makataronganon ba nga basolon si Jehova ug mohunong sa pagkat-on bahin niya tungod sa binuhatan sa bakak nga relihiyon?

SUMARYO

Ang bakak nga relihiyon nagdaot sa Diyos pinaagi sa bakak nga mga pagtulon-an ug daotang mga buhat niini. Laglagon sa Diyos ang bakak nga relihiyon.

Review

• Unsay imong pagbati sa mga pagtulon-an ug binuhatan sa bakak nga relihiyon?

• Unsay pagbati ni Jehova sa bakak nga relihiyon?

• Unsay himoon sa Diyos sa bakak nga relihiyon?

SUSIHA

Sayra ang duha ka butang nga gihimo sa kadaghanang relihiyon nga nakapasuko sa Diyos.

“Parehas Lang ba ang Tanang Relihiyon? Diyos bay Padulngan Nilang Tanan?” (Web article)

Nganong gusto ni Jehova nga makig-uban ta sa ubang tawo sa pagsimba kaniya?

“Kinahanglan Bang Mahimong Sakop sa Usa ka Organisadong Relihiyon?” (Web article)

Ang usa ka pari nalibog sa iyang relihiyon. Pero wala ni makapugong niya sa pagkat-on sa kamatuoran bahin sa Diyos.

“Kon Nganong Gibiyaan sa Pari ang Iyang Relihiyon” (Pagmata!, Pebrero 2015)

Sa ginatos ka katuigan, ang mga relihiyon nagtudlog kabakakan nga nagpatuo sa mga tawo nga ang Diyos pintas ug walay pagmahal nato. Sayra ang kamatuoran bahin sa tulo sa maong kabakakan.

“Kabakakan nga Nagpahilayo sa mga Tawo Gikan sa Diyos” (Ang Bantayanang Torre, Nobyembre 1, 2013)