Manambong Ta Aron Madasig!

1. Nahisalaag ang kalibotan ta,

Ang dalan sa Diyos wa sunda.

Hustong giya ang atong kinahanglan,

Kasingkasing di saligan.

Mga tigom nato makarepresko,

Molig-on atong pagtuo.

Kini modasig nga ipakita ta

Mga hiyas ni Jehova.

Mga sugo sa Diyos atong tumanon,

Kabubut-on n’ya ang sundon.

Sa mga tigom kita gitudloan,

Pulong sa kamatuoran.

2. Sayod ang Diyos sa panginahanglan ta,

Mamati ta sa tambag n’ya.

Kon manambong ta sa panagkatigom,

Misalig ta sa Pulong n’ya.

Sa pagpanudlo sa nagapanguna,

Mamati gyod ta kanila.

Ug sa tabang sab sa mga igsoon,

Ang pagtuo ta molig-on.

Samtang naghulat ta sa Paraiso,

Tigom tambongan gyod nato,

Kay sa mga tigom ta makakat-on

Sa kaalam nga langitnon.